Агеев Владимир Иванович — чӑваш ӳнерҫи. 1932 ҫулхи акан 2-мӗшӗнче Елчӗк районӗнчи Аслӑ Елчӗкре ҫуралнӑ. Ытларах графика, живопись енӗпе ӗҫлет.

1986 ҫулта Чӑваш АССРӗн чӑваш халӑх ӳнерҫи ятне панӑ. 1981 ҫулта К.В. Иванов ячӗллӗ патшалӑх премийӗн лауриачӗ пулнӑ, 1993 ҫулта И.Я. Яковлев ячӗллӗ премине тивӗҫнӗ.
1970 ҫултанпа СССР ӳнерҫисен пӗрлешӗвӗн пайташӗ.

Кун-ҫулӗ

1956 ҫулта Шупашкарти ӳнер училищине вӗренсе пӗтернӗ. Кайран чӑваш кӗнеке издательствинче, «Капкӑн» журналта (1956) вӑй хунӑ.

Ӗҫӗсем

Тӗп ӗҫӗсем:

• «Базар в Яльчиках» (1985);
• «Стадо» (1985);
• «К. В. Иванов на празднике хоровода в 1912» (19хх);
• «Современная песня» (1996).

станок графики:

• «Чувашский хоровод» (1971);
• «Как рассказывал дед» (1972);
• «У родника» (1985).

Вӑл ерешленӗ кӗнекесем:

• Василий Алентейӗн «Ушкӑн-ушкӑн пӗлӗт иртет» (1962);
• И.Я. Яковлевӑн «Ача-пӑча калавӗсем» (1968);
• М. Федотовӑн «Арҫури» (1973);
• А. Гринӑн «Алые паруса» (1979);
• А. Трофимовӑн «Асамлӑ эреш» (1981).